O Club de Campo ofrece as mellores instalacións da comarca de Ferrolterra para a celebración de campamentos infantís e xuvenís durante todo o ano. De feito, realízanse dende hai varios anos en todas as vacacións escolares de verán, Nadal, Entroido e Semana Santa. Un servizo que se fixo imprescindible para a conciliación familiar, xa que ofrecemos servizo de madrugadores e, a partir deste verán, incorporamos o servizo de comedor.